ربط usb modem ADSL بجهاز اخر غير جهازك

الموضوع فريد من نوعة ومعتقدش ان الموضوع مكرر

طبعا فية ناس عندها خط ADSL لوحدة والغالبية من الناس بيكون عندهم مودم USB يعنى النت بيدخل الجهاز عن طريق USB

وعلشان محدش يتلخبط
دة صورة لاحد انواع المودم USB

لونفترض انك معاك لاب توب او جهاز كمبيوتر تانى فى نفس المكان وعايز توصلة نت بشكلة مؤقت
طبعا الرد هتقول انا هشترى روتر وامرى لله

بس فية حل تانى
انك تعمل جسر بين المودم وبين كارت الشبكة اللى فى جهازك علشان كارت الشبكة يوصل نت لجهاز تانى
اكيد محدش فهم الجملة دية ... تابع الشرح وانت تفهم

اولا : كيفية عمل كبل شبكة يتصل بين جهاز وجهاز اخر مباشرة بدون اى وسيط (سوتش مثلا) :

طبعا كله عارف ترتيب الالوان لسلك الشبكة .. بس دة طبعا من جهاز لسوتش او لروتر او لطابعة
المطلوب اننا نعمل سلك من جهاز لجهاز

تابع الصور علشان تعرف الفرق بين ترتيب الالوان فى النوعين

فى الصورة دية ترتيب الالوان من جهاز لسوتش او روتور

فى الصورة دية ترتيب الالوان من جهاز لجهاز مباشرة والمربع الاحمر يعنى الطرف اللى هيتم فية التغير

تمام وصلنا لشرح توصيل السلك ندخل على اللى بعدة

بعد
متوصل السلك من الجهاز اللى فية النت للجهاز التانى عن طريق كارت الشبكة
بتاعك هتلاحظ ان الجهازين اصبحو شبكة واحد بس جهاز فية نت وجهاز لا

اللى هنعملة دلوقتى هنقول للجهاز اللى علية نت شغل النت لاى جهاز واصل بكرت الشبكة اللى عندك
او بمعنى علمى اكتر اعمر جسر بين النت اللى جى من المودم الى كارت الشبكة فى الجهاز وبالتالى الى الجهاز التانى

سيبك من الرغى وخلينا فى الشغل العملى

تابع الصور وانت تفهم كل حاجة

طبعا كلة عارف الصفحة اللى ادامكم دية اية
المهم رقم 1 دة اتصال الانتنرنت
رقم 2 دة كارت الشبكة اللى فى الجهاز
رقم 3 كارت الشبكة الوهمى اللى بيشغل المودم ( بيتعمل اثناء تعريف المودم ) وكدة كدة ملناش دعوة بية

ندخل على اللى بعدة

طبعا كل دة تعملة وانت موصل السلك او مش موصلة (مش شرط يعنى)
تابع الصور

http://dc108.4shared.com/img/79326362/ad8ac85e/3_online.JPG?sizeM=3

طبعا بعد شغلانة NEXT NEXT لغاية لما توصل واختار كما فى الصورة

فى المرحلة دية هنحدد اتصال الانترنت اللى موجود فى الجهاز اللى هو طبعا المودم (كما فى الصورة )

فى
المرحلة دية هتحدد اية اللى انت عايز تربطة بالانترنت ( المودم ) طبعا
هتختار كارت الشبكة اللى فى الجهاز وخلى بالك شيل علامة الصح من على
الكارت الوهمى (كما فى الصورة )
تابع الصور

هنا هتكتب اسم جهازك (اختار اى اسم من دماغك )

هنا هنكتب اسم المجموعة اختار اى اسم من دماغك وتكتبة فى الجهاز التانى لو حبيت (مش شرط )

انتظر التحميل

بعد الانتهاء من الاجراءات السابقة
اعمل ريستارت للجهازين وبعد التشغيل هتلاقى نت على الجهازين

المشكلة الوحيدة لو الجهاز اللى علية المودم فصل او اتقفل الجهاز التانى النت هيفصل فية

يارب الموضوع بنال اعجابكم